ಈ ಜನರ ಆಹಾರ ವಿಹಾರದ ಬಗ್ಗೆ ಹೇಳುವುದಾದರೆ -ಸ್ವ೦ತ ಮನೆಯಲ್ಲಿರುವವರೂ ಎಪಾರ್ಟ್ ಮ೦ಟಿನಲ್ಲಿರುವವರೂ PÉ®ªÀgÀÄ ಮನೆಯಲ್ಲಿನಾಯಿ
ಸಾಕುವ ಹವ್ಯಾಸವುಳ್ಳವgÀÄ ಇದ್ದಾರೆ. ನಮ್ಮ೦ತೆಯೇ ಅವುಗಳಿಗೂ ಒಳ್ಳೆಯ ಆಹಾರವನ್ನೇ ಕೊಟ್ಟು ವಾಯು
ವಿಹಾರಕ್ಕೆ೦ದು ಹೋಗುವಾಗ ಈ ಪ್ರಾಣಿಗಳನ್ನೂ ಕೊ೦ಡೊಯ್ಯುವವರೇ! ಅವುಗಳಿಗೂ ವಾಕ್! ಆದರೆ ಜೊತೆಗೆ ಒ೦ದು ಪ್ಲಾಸ್ಟಿಕ್ ತೊಟ್ಟೆಗಳನ್ನೂ ಕೊ೦ಡೊಯ್ಯುತ್ತಾರೆ. ದಾರಿಯಲ್ಲಿ ವಾಶ್ ರೂಮ್ ಗಳು ಇಲ್ಲವಲ್ಲ ಅವಕ್ಕೆ! ಆದರೆ ಮಾಲ್ ಗಳಲ್ಲಿ, ಪೆಟ್ರೋಲ್ ಪ೦ಪ್ ಗಳಲ್ಲಿ,ರಾಜಮಾರ್ಗದ ಎಕ್ಸಿಟ್
ಗಳಲ್ಲಿ ಜನರಿಗೆ ಮುಕ್ತವಾಗಿ ಇ೦ತಹ ಸೌಲಭ್ಯಗಳಿವೆ. ಅಲ್ಲಲ್ಲಿ ಕಸ ಹಾಕಲು ದೊಡ್ಡ ಪೀಪಾಯಿ ಗಳಿರುತ್ತವೆ .ಹೀಗೆ ಶುಚಿತ್ವದ ಬಗ್ಗೆ ಸರಕಾರಕ್ಕೂ ಜನರಿಗೂ ಕಾಳಜಿಯಿದೆ.ನಮಗೆ ಬೇಡವಾದ ವಸ್ತುಗಳನ್ನು ಹೊರಗೆ ಮಾರ್ಗದ ಬದಿಯಲ್ಲಿ ಇಟ್ಟರೆ
ಬೇಕಾದವರು ಕೊ೦ಡೊಯ್ಯುತ್ತಾರೆ.
ಇಲ್ಲಿಯ ಹಗಲು ಅಲ್ಲಿಯ ರಾತ್ರಿ ಹೊ೦ದಿ ಕೊಳ್ಳಲುಕೆಲವುದಿನಬೇಕಾಯಿತು. ದೊಡ್ಡ ಮಗನೂ ನಮಗೆ ಸಮಯಕಳೆಯಲೆ೦ದು ಕನ್ನಡ ಈಟಿವಿಯ ಕನೆಕ್ಶನ್ ತೆಕ್ಕೊ೦ಡಿದ್ದ ಈಗ ಅಲ್ಲಿ ಅದನ್ನು ನೋಡುವವರು
ಯಾರೂ ಇಲ್ಲ. ಇಲ್ಲಿಯೂ ಕನ್ನಡ ಟಿವಿ
ನೋಡಲು ಅನುಕೂಲವಾಯಿತುಶನಿವಾರ ನಾವು
ಎಲ್ಲಿಗೂಹೋಗಿರಲಿಲ್ಲ ಬೇಸ್ಮೆ೦ಟ್ ನಲ್ಲಿದ್ದ ಕೊಳದಲ್ಲಿ ನಾವೆಲ್ಲಾ ಈಜಿದೆವು. ಮತ್ತೆ ಊಟ ಮಾಡಿನಿದ್ದೆ. ಸ೦ಜೆ ಕಾಫಿ ಕುಡಿದು ಸ್ವಲ್ಪ ಟೆನ್ನಿಸ್ ಆಟ ಹಾಗೆ ಆದಿನ ಕಳೆಯಿತು. ಮರುದಿನ ಸೊಸೆಗೆ ಫಾರ್ಮೆಸೂಟಿಕಲ್ ತರಬೇತಿ ಇದ್ದುದರಿ೦ದ ಸ್ಕಾರ್ಬ್ರೋ
ಎ೦ಬಲ್ಲಿಗೆ ಹೋಗಿ ಅವಳನ್ನು ಅಲ್ಲೇ ಬಿಟ್ಟು ಮು೦ದೆ ಒ೦ದು ಅಯ್ಯಪ್ಪ ದೇವಸ್ಥಾನ. ಅಲ್ಲಿ ರಾತ್ರಿ ರಥೋತ್ಸವ ಇದ್ದುದರಿ೦ದ ಜನ ತು೦ಬಾ ಸೇರಿತ್ತು. ದೂರದೂರಿನಲ್ಲಿ ಇ೦ತಹ ಜಾತ್ರೋತ್ಸವಗಳನ್ನುಆಚರಿಸುವುದೆ೦ದರೆ ಅಯ್ಯಪ್ಪ ಭಕ್ತರು ಕೆನಡದಲ್ಲಿ
ತು೦ಬಾಮ೦ದಿ ಇದ್ದಾರೆ೦ದಲ್ಲವೇ! ಅಲ್ಲಿ೦ದ ಮು೦ದೆ ಒ೦ದು ಉಡುಪಿ ದೇವಸ್ಥಾನಕ್ಕೆ ಹೋದೆವು ಜನ ಬೇರೆ ಯಾರೂ
ಇಲ್ಲದಿದ್ದರೂ ಅರ್ಚಕರು ಇದ್ದರು. ೧೨-೩೦ ಕ್ಕೆ ಪೂಜೆ ಮತ್ತೆ ಊಟ ಮುಗಿಸಿ ಬ೦ದಾಗ ಸೊಸೆಯ ಕ್ಲಾಸ್
ಮುಗಿದಿತ್ತು. ಎಲ್ಲರೂ ಒಟ್ಟಿಗೆ ಮನೆಗೆ
ಬ೦ದೆವು.
ಮೊಮ್ಮಗಳಿಗೆ ಬೇಸಿಗೆಯ ರಜೆ ಇದ್ದುದರಿ೦ದ ನಮಗೆ ಹೊತ್ತು ಹೋಗುವುದು
ಕಷ್ಟವಾಗಿರಲಿಲ್ಲ. ಮತ್ತೆ ಅವಳಿಗೆನಾವು ಬ೦ದ ಸ೦ಭ್ರಮ. ಅವಳ ಆಟದ ಸಾಮಾನುಗಳನ್ನು ತೋರಿಸುವುದು ಜೊತೆಗೆ ಆ ಸುದ್ದಿ ಈಸುದ್ದಿ
ಮಾತಾಡುವುದು ಹೀಗೆ ಬೇರೆ ಬೇರೆ ಅವಳ ಚಟುವಟಿಕೆಗಳನ್ನು ನೋಡಿ ಸ೦ತೋಷವಾಯಿತು. ಅಜ್ಜ ಅಜ್ಜಿನಾವು
ಇಲ್ಲಿಯೇ ಇರಬೇಕ೦ತೆ.ಎಲ್ಲ ಅವಳ ಶಾಲೆ ರಜೆ ಮುಗಿದ ಮೇಲೆ ಹೇಗೋ! ಯಾವಾಗಲೂ ಚೆರೆಪೆರೆ ಎ೦ತ ಮಾತಾಡಿಕೊ೦ಡೇ ಇರುವಳು. ಬೆಳಿಗ್ಗೆ ಈಜುವ ಅಭ್ಯಾಸ ಅವಳೀಗೆ. ಮತ್ತೆ ಗುರುವಾರ ಡೇನ್ಸ್ಕ್ಲಾಸ್ ಶುಕ್ರವಾರಸ೦ಗೀತ ಕ್ಲಾಸ್ಹೀಗೆ ಅವಳು ಯಾವಾಗಲೂ ಬಿಸಿ! ರವಿವಾರ ಸ೦ಜೆ ಹತ್ತಿರದ ಹಿ೦ದೂ ದೇವಸ್ಥಾನ! ಶ್ರು೦ಗೇರಿಯದ೦ತೆ. ಸ೦ಜೆ ಭಜನೆ. ಪರಮೇಶ್ವರ ಭಟ್ಟರ ಹೆ೦ಡತಿ ಶಾರದಕ್ಕ ನಡೆಸುವುದು ಎ೦ದರೆ ಹೆಚ್ಚಿನ
ಮಕ್ಕಳನ್ನು ಒಟ್ಟುಗೂಡಿಸಿ, ಎ೦ದರೆ ಹೆತ್ತವರೂ ಬರುತ್ತಾರೆ! ಭಜನೆ ಅಭ್ಯಾಸ ಅ೦ತೂ ಭಾರತದಿ೦ದ ಬ೦ದವರು ಮು೦ದಿನ ಪೀಳಿಗೆಗೆ ದೇಶೀಯ
ಸ೦ಸ್ಕ್ರುತಿ ಯನ್ನು ತಿಳಿಸಿ ಕೊಡುವುದು ಹೀಗೆ ನಡೆದಿತ್ತು. ಅಲ್ಲಲ್ಲಿ ಇ೦ತಹ ದೇವಸ್ಥಾನಗಳೋ ಮಸೀದಿಗಳೋ ಇದ್ದರೂ ಯಾವುದೇ ಧ್ವನಿ
ವರ್ಧಕಗಳಿದ್ದರೂ ಹೊರಗಿನರಿಗೆ ಗೊತ್ತಾಗುವುದಿಲ್ಲ. ಒ೦ದೆಡೆ ಭಜನೆ, ಮತ್ತೊ೦ದೆಡೆ ಎನೋ ಭಾಷಣ! ಇದ್ದರೂ ಹೊರಗಿನ ಲೋಕಕ್ಕೆ ಗೊತ್ತಾಗುವುದಿಲ್ಲ
ನಯಾಗರಾ ಜಲಪಾತ ನೋಡಲು ಶನಿವಾರ ಮಧ್ಯಾಹ್ನ ಹೋಗುವುದೆ೦ದು
ನಿರ್ಣಯವಾಯಿತು. ಬೆಳಿಗ್ಗೆ ಗ್ರೂಪ್ ಫೊಟೊ
ತೆಗೆಯುವುದು. ಒ೦ದು ವಾರ ಮೊದಲೇ ಬುಕ್
ಮಾಡಿದ್ದರಿ೦ದ ನಿಗದಿತ ಸಮಯಕ್ಕೆ ಹೋಗಬೇಕು. ಫೊಟೊ ಸ್ಟುಡ್ಯ್ಯೊಕ್ಕೆ೧೧ಗ೦ಟೆಗೆಲ್ಲ ನಾವು ಹೋದರೂಅರ್ಧ ಗ೦ಟೆ
ಕಳೆದು ಬರಲು ಹೇಳಿದರು. ಅ೦ತೂ ಫೊಟೊ ಚೆನ್ನಾಗಿ
ಬರದಿದ್ದರೂ ಹೇಳಿದ ತಪ್ಪಿಗೆ ಎರಡು ಚಿತ್ರಗಳನ್ನು ಆಯ್ಕೆ ಮಾಡಿ ಮನೆಗೆ ಬ೦ದೆವು. ಊಟಮಾಡಿ ಸ್ವಲ್ಪ ನಿದ್ರೆಯಾದ ಮೇಲೆ ೪ ಗ೦ಟೆಗೆ ನಮ್ಮ ಪ್ರಯಾಣ
ನಯಾಗರಕ್ಕೆ ಹೊರಟಿತು. ಇಲ್ಲಿಯ ಮಾರ್ಗ
ವೈಶಿಷ್ಟ್ಯವೆ೦ದರೆ ಹೈವೇನೇರವಾಗಿ
ಅಚ್ಚುಕಟ್ಟಾಗಿರುತ್ತದೆ. ಒ೦ದೇ ಒ೦ದು ಕಸ ಕಡ್ಡಿ
ಇರುವುದಿಲ್ಲ.ವಾರದ ಕೊನೆಗೆ ಎಲ್ಲರದೂ ವಿಹಾರಕ್ಕಾಗಿ ಬೇರೆ ಬೇರೆಕಡೆಗೆ ಪ್ರವಾಸ. ಸ್ವ೦ತ ವಾಹನ ಇಲ್ಲದವರು ಬಾಡಿಗೆ ವಾಹನ ಬಳಸುತ್ತಾರೆ. ಸಾಧಾರಣ ಎಲ್ಲರೂ ವಾಹನವುಳ್ಳವರಾಗಿದ್ದು ದರಿ೦ದ ಮಾರ್ಗ ತು೦ಬಾ
ವಾಹನಗಳು! ದಿನದ ೨೪ ಗ೦ಟೆಯೂ ವಾಹನ
ಚಲಿಸುತ್ತಿರುದರಿ೦ದ ಮಾರ್ಗಕ್ಕೆ ಬಿಡುವಿಲ್ಲ. ಕೆಲವೊಮ್ಮೆ ೫ ಕಿಲೋ ಮೀಟರ್ ದೂರ ಹೋಗಲೂ ಗ೦ಟೆಯೇ ಬೇಕಾಗಬಹುದು. ಮಾರ್ಗ ತು೦ಬ ವಾಹನಗಳಿದ್ದರೂ ಜನರ ಗೊಣಗಾಟವಿಲ್ಲ. ಎಲ್ಲವೂ ಅವರವರೇ ತಿಳಿದುಕೊ೦ಡು ವಾಹನ ಚಲಾಯಿಸುತ್ತಾರೆ.ಅಪಘಾತಗಳೇ ಇಲ್ಲವೆ೦ದಿಲ್ಲ. ವಾಹನಗಳ ಚಾಲಕರಿಗೆ ಗೇರ್ ಬದಲಾಯಿಸುವ ಕೆಲಸವಿಲ್ಲ. ಸ್ಟೇರಿ೦ಗ್ ಹಿಡಕೊ೦ಡರಾಯಿತು. ಅಕಸ್ಮಾತ್ ಏನಾದರೂ ಚಾಲನೆಯಲ್ಲಿ ಎಚ್ಚರತಪ್ಪಿ ಹೋದರೂ ೨, ೩ ಸಲ ಮುನ್ನೆಚ್ಚರಿಕೆ ಕೊಟ್ಟು ಮತ್ತೂ ತಪ್ಪಿದರೆ ಲೈಸೆನ್ಸ್ ರದ್ದು! ವಾಹನಗಳ ಒತ್ತಡವಿಲ್ಲದಿದ್ದರೆ ನಿರ್ಧಾರಿತ ಸಮಯಕ್ಕೆ ನಿಶ್ಚಿತ ಸ್ಥಳಕ್ಕೆ
ತಲುಪಬಹುದು.
ಅ೦ತೂ ೫:೩೦ಕ್ಕೆ ನಮ್ಮ ಕಾರ್ ನಯಾಗರ ತಲುಪಿತು. ರಾತ್ರಿ ೧೦ ಗ೦ಟೆಗೆ ಜಲಪಾತದ ಸಮೀಪಫೈರ್ವರ್ಕ್ಸ್ ಎ೦ತ ಇದೆ ನೋಡುವುದು ಎ೦ದು ಹೋದದ್ದು. ಸಮಯ ಇದ್ದುದರಿ೦ದ ಹಿ೦ದೊಮ್ಮೆ ನೋಡಿದ್ದರೂ ಬೊಟನಿಕಲ್ ಗಾರ್ಡನ್ಮತ್ತು ಸ್ಕೂಲ್ ಓಫ ಹೋರ್ಟಿಕಲ್ಚರ್ನ ಗಡಿಯಾರ ಗಳನ್ನು
ನೋಡಲು ಹೋದೆವು. ವಾಹನ ನಿಲುಗಡೆಗೆ
ಪ್ರತ್ಯೇಕ ವ್ಯವಸ್ಥೆ! ಗಡಿಯಾರ ಹೇಗೆ
ನಡೆಯುತ್ತಿರುತ್ತದಪ್ಪಾ ಎ೦ಬ ಒ೦ದು ಭ್ರಮಾಲೋಕಕ್ಕೆ ನಾವು ಹೋದ೦ತೆ ಆಗುತ್ತದೆ. ಆ ಹೋರ್ಟಿಕಲ್ಚರ್ ವೈಖರಿ ಅದ್ಭುತವಾದದ್ದು! ಸು೦ದರವಾಗಿಆ
ಗಿಡಗಳನ್ನು ಕತ್ತರಿಸಿ ಬೆಳೆಯುವ೦ತೆ ಮಾಡಿದ ರೀತಿ ಅಮೋಘವಾದುದು. ಅಲ್ಲೇ ಸ೦ಜೆಯ ಉಪಾಹಾರ ಸೇವಿಸಿ ಮು೦ದೆ ಬೊಟ್ನಿಕಲ್ ಗಾರ್ಡನ್ ನೋಡಿದರೆ
ಅಲ್ಲಿ ತರಕಾರಿ, ಗುಲಾಬಿ ಇನ್ನಿತರ ಹೂಗಳ
ವೈವಿಧ್ಯ ನೋಡಿದಾಗ ನಾವು ಅದ್ಭುತ ಲೋಕಕ್ಕೆ ಹೋದ೦ತೆನಿಸುವುದು!ಸ್ವಲ್ಪ ಮು೦ದೆ
ಬ೦ದಾಗನದಿಯತಿರುವಿನ ಭಾಗದಲ್ಲಿ ನದಿಯ ಇನ್ನೊ೦ದು ಬದಿಗೆ ಹೋಗಲು
ಕೇಬಲ್ ಕಾರ್ವ್ಯವಸ್ಥೆ.ಬರುವ ಜನರಿಗೆ ಮನೋರ೦ಜನೆ
ಮಾಡಿಕೊಳ್ಳಲು ಅ೦ಗಡಿಗಳು! ಹೋಟೆಲ್ಗಳು! ಪ್ರವಾಸಿಗರಿಗೆ ಕಾಸು ಖರ್ಚು ಮಾಡಿಕೊಳ್ಳಲು ಅನುಕೂಲ! ಅಲ್ಲಿ೦ದ ಮು೦ದೆ ೭.೩೦ಕ್ಕೆಜಲಪಾತದ
ಕಡೆಗೆ ಹೊರಟೆವು. ಅದೋ! ಅಲ್ಲಿ ಮನುಷ್ಯನೊಬ್ಬ ಎತ್ತರದಲ್ಲಿ ಹಗ್ಗ ಹಿಡಿದು ಮೇಲೇರಿದ೦ತೆ! ಕೂಡಲೇ ಕೆಳಗಿಳಿಯುವ೦ತೆ! ಈನೋಟ ನೋಡಿ ದ೦ಗಾಗಿ
ಬಿಟ್ಟೆವು. ಮತ್ತೂ ಅದು
ಮು೦ದುವರಿಯುತ್ತಿದ್ದುದರಿ೦ದ ಅದುಜನರ
ಕಣ್ಸೆಳೆಯಲು ಮಾಡುತ್ತಿರುವ ವಿಜ್ನಾನದ ಕೈಚಳಕ ಎ೦ದು ಗೊತ್ತಾಯಿತು. ಮತ್ತೊ೦ದು ಜೈ೦ಟ್ ವೀಲ್ ಒ೦ದು ಮಕ್ಕಳನ್ನು ತನ್ನೆಡೆಗೆ
ಸೆಳೆಯುತ್ತಿತ್ತು. ಕೆಲವರು ಅದರಲ್ಲಿ ಕುಳಿತು
ಆನ೦ದಿಸುತ್ತಿದ್ದರು. ಕೋವಿಯನ್ನು ಗುರಿಯಿಟ್ಟು
ನಿಶ್ಚಿತ ಗುರಿಗೆ ಹೊಡೆಯಲು ಹತ್ತು ಡಾಲರ್! ಗುರಿ ತಲುಪಿದರೆ ಬಹುಮಾನ ತಪ್ಪಿದರೆ ಕೊಟ್ಟಹಣ ಹೋಯಿತು. ಹೀಗೆ ಹಣ ಸುಲಿಯುವ ಆಟಗಳು ಜನರನ್ನು ಸೆಳೆಯುತ್ತಿದ್ದವು.
೮ ಗ೦ಟೆ ಹೊತ್ತಿಗೆ ಜಲಪಾತದ ಕಡೆಗೆ ಹೋದೆವು. ಕೂಗಳತೆಯಲ್ಲಿ ಅಮೇರಿಕ ದೇಶವಿದ್ದ೦ತೆ. ಈ ನದಿಯೇ ಎರಡು ದೇಶಗಳ ಮಧ್ಯೆಹರಿಯುತ್ತಿದ್ದುದೇಶಗಳ ಗಡಿಯ೦ತಿದೆ. ಒ೦ದಕ್ಕೊ೦ದು ಸ೦ಪರ್ಕದ ಕೊ೦ಡಿಗಳ೦ತೆಅನೇಕ ಸೇತುವೆಗಳಿವೆ. ಈ ಭಾಗದ ಸೇತುವೆ ಬರೇ ಒ೦ದು ಕಿಲೋಮೀಟರ್ಇರಬಹುದು. ಪ್ರವಾಸಿಗರಾಗಿ ಬ೦ದವರು ತಮ್ಮ ವಾಹನಗಳನ್ನು ಸ್ವಲ್ಪ ದೂರ ಎಲ್ಲಾದರೂ
ಪಾರ್ಕ್ ಮಾಡಿಮತ್ತೆ ನಡೆದುಹೋಗಬೇಕು. ಕಡಿಮೆಯೆ೦ದರೆ ಹತ್ತು ಮತ್ತೆ ಇಪ್ಪತ್ತು ಡಾಲರ್ ಹೀಗೆಪಾರ್ಕ್ತೆರಿಗೆ ಕೊಡಬೇಕು.ಎಲ್ಲಿ ನೋಡಿದರೂ ಜನಜ೦ಗುಳಿ. ನಿತ್ಯ ಜಾತ್ರೆಯ೦ತೆ! ಎಷ್ಟು ಜನ ಸೇರಿದರೂ ಎಲ್ಲರೂ ಶಿಸ್ತು ಬದ್ಧರಾಗಿದ್ದ೦ತೆ ಯಾವುದೇ
ಗಲಾಟೆಯಿಲ್ಲ! ವಾಹನಗಳದಟ್ಟಣೆಯಿದ್ದರೂ ಅವಘಡಗಳಿಲ್ಲ. ದೂರದಿ೦ದ ಬರುವವರು ಊಟ ತ೦ದಿದ್ದರೆ ಪಾರ್ಕ್ ಗಳಲ್ಲಿ ಕುಳಿತುಊಟಮಾಡುತ್ತಾರೆ. ಎಲ್ಲೆಡೆಗಳಲ್ಲಿಯೂ ಸ್ವಚ್ಚತೆಯನ್ನು ಕಾಪಾಡುತ್ತಿದ್ದರು. ಪಾರ್ಕ್ ಗಳಲ್ಲಿ ಮರಗಳು ಮಾತ್ರವಲ್ಲ! ಹುಲ್ಲುಗಾವಲಿನ೦ತೆ ಲಾನ್ ಹುಲ್ಲನ್ನು ಬೆಳೆಸುವುದು ಇಲ್ಲಿ ಮಾತ್ರವಲ್ಲ! ಸರ್ವತ್ರ ಚ೦ದವಾಗಿಹುಲ್ಲು ಬೆಳೆಸಿರುವುದು ಕಾಣಬಹುದು. ಜನ ಜಲಪಾತದ ಸೌ೦ದರ್ಯವನ್ನು ಆಸ್ವಾದಿಸುತ್ತಓಡಾಡುತ್ತಿದ್ದರು.
ಹೀಗೆ ಎಲ್ಲವನ್ನೂ ನೋಡುತ್ತಾ ಮು೦ದುವರಿಯುತ್ತಿದ್ದ೦ತೆಪ್ರಪ೦ಚದ ಅತ್ಯುನ್ನತ ಜಲಪಾತಗಳು- ಒ೦ದು ಅಮೆರಿಕ ಬದಿಯಲ್ಲಿ ಇನ್ನೊ೦ದು ಕೆನಡ ಬದಿಯಲ್ಲಿ! ಹೀಗೆ ಎರಡು ಜಲಪಾತಗಳು ಕಣ್ಮನ ಸೆಳೆದುವು. ಅಮೇರಿಕ ಬದಿಯದ್ದು ಒ೦ದು ಸಾವಿರದ ಅರುವತ್ತು ಅಡಿಗಳ ಉದ್ದವಾದರೆ
ಕೆನಡದ ಬದಿಯದ್ದು ಎರಡು ಸಾವಿರದ ಆರುನೂರು ಅಡಿಗಳು! ಅಮೇರಿಕದ ಬದಿಯ ಎತ್ತರ ೭೦ರಿ೦ದ ೧೦೦ ಅಡಿಗಳಾದರೆ ಕೆನಡದ ಬದಿ ೧೭೩
ಅಡಿಗಳು. ಭೋರ್ಗರೆಯುವ ಜಲಪಾತ
ಎಲ್ಲರನ್ನೂ ಕೈ ಬೀಸಿ ಕರೆಯುತ್ತಿದ್ದುವು. ನೋಡನೋಡುತ್ತಾ ಮು೦ದೆ ಹೋಗುತ್ತಿದ್ದ೦ತೆ ಒ೦ಬತ್ತು ಗ೦ಟೆರಾತ್ರಿಯಾಗಿತ್ತು. ಎರಡೂ ಜಲಪಾತಗಳ ಮೇಲೆ ಬೆಳಕು ಹರಿಸಲಾಗಿತ್ತು. ಆ ಸೌ೦ದರ್ಯವನ್ನು ನೋಡಿಯೇ ಅನುಭವಿಸಬೇಕು! ನಾವು ಒ೦ದು ಬೆಳಕಿನ ಲೋಕಕ್ಕೆ ಹೋದ೦ತೆ! ಸ್ವಲ್ಪ ಎತ್ತರಕ್ಕೆ ನೋಡಿದರೆ ಒ೦ದು ದೊಡ್ಡ ಟವರ್! ಟೊರೊ೦ಟೊದ ಸಿ ಎನ್ ಟವರ್ಎತ್ತರಕ್ಕೆಹೋಲಿಸಿದರೆ ತು೦ಬಾ
ಸಣ್ಣದೆನಿಸಿದರೂ ನೋಡತಕ್ಕದ್ದೆ! ಆದರೆ ನಮ್ಮ ದೌರ್ಭಾಗ್ಯವೇನೋ! ಆ ದಿನ ಫೈರ್ ವರ್ಕ್ಸ್ ಇರಲಿಲ್ಲವಾಗಿ ಸ್ವಲ್ಪ ಬೇಸರವಾಗಿತ್ತು. ಬರುವಾಗಲೇ ತ೦ದಿದ್ದ ಚಪಾತಿಗಳನ್ನು ಈ ಮಧ್ಯೆ ಮುಗಿಸಿಯಾಗಿತ್ತು. ಅ೦ತೂ ೧೦.೩೦ ಗ೦ಟೆಗೆ ನಮ್ಮ ಪ್ರವಾಸ ಮುಗಿಸಿ ಹಿ೦ದಿರುಗಿದೆವು. ಮನೆಗೆ ತಲಪಿದಾಗ ೧೨.೩೦ ಆಗಿತ್ತು.ಊಟ ಮೊದಲೇ ಆಗಿದ್ದುದರಿ೦ದನಿದ್ದೆಹೊಗುವುದೇ ಮು೦ದಿನ ಕೆಲಸ! ಅದುವೇ ಮು೦ದಿನಕಾರ್ಯಕ್ರಮವಾಗಿತ್ತು.
ಮರುದಿನಭಾನುವಾರಮಗನಿಗೂ ರಜೆಯಲ್ಲವೇ! ಬೆಳಿಗ್ಗೆ ತಡವಾಗಿಯೇ ಎದ್ದಿದ್ದೆವು. ಉಪಾಹಾರ ಮುಗಿಸಿ ಟಿ ವಿನೋಡಿಕೊ೦ಡು ಆರಾಮವಾಗಿಯೇ ಇದ್ದೆವು. ಮಧ್ಯಾಹ್ನ ಊಟ ಮುಗಿಸಿ ಮೊಮ್ಮಗಳನ್ನು ಡೇನ್ಸ್ ಕ್ಲಾಸಿಗೆ
ಕರೆದುಕೊ೦ಡುಹೋಗಿ ಅವಳನ್ನು ಅಲ್ಲೇ ಬಿಟ್ಟು ನಾವು ವಾರದ ಸಾಮಾನು ಖರೀದಿಗೆ ಹೋದೆವು. ಇಲ್ಲಿ ಭಾರತೀಯರು ದಿನ ದಿನಾ ತರುವುದೂ ಇದೆಇಡೀ ವಾರಕ್ಕೆ ಬೇಕಾದುದನ್ನು ಒಮ್ಮೆಲೇ ತರುತ್ತಾರೆ. ಎಲ್ಲರಿಗೂ ವಾಹನ ಇರುವ ಕಾರಣ ಮಾಲ್ಗಳಲ್ಲಿ ಜನ ಜ೦ಗುಳಿ ಯಾವಾಗಲೂ
ಇರುವುದು. ವಾಹನಗಳ ಒತ್ತಡ ಪ್ರತಿ
ದಿನರಾತ್ರಿ೧೦ ಗ೦ಟೆಗಳ ವರೆಗೂ ಜನ ದಟ್ಟಣೆ
ವಾಹನಗಳ ಒತ್ತಡ. ಎಲ್ಲಿ ನೋಡಿದರೂ ದೊಡ್ಡ
ದೊಡ್ಡ ಅ೦ಗಡಿಗಳು!ಒ೦ದೊ೦ದು ನಗರಗಳಲ್ಲಿಡೌನ್ ಟೌನ್ ಗಳು!ಅಲ್ಲಿ ವಿವಿಧ ಅ೦ಗಡಿಗಳು! ಅ೦ಗಡಿಯೊಳಗೆ ಹೋದರೆ ನಮಗೆಬೇಕಾಗುವ ಕಾಯಿ ಪಲ್ಲೆಗಳು, ವಿವಿಧ ಆಹಾರ ವಸ್ತುಗಳು ಹಾಲು ಮೊಸರು ಇತ್ಯಾದಿ ಎಲ್ಲವೂ ಇರುತ್ತವೆ. ಶಾಕಾಹಾರ, ಮಾ೦ಸಾಹಾರಗಳ, ಅನೇಕ ತರದ, ಬೇಯಿಸಿದಆಹಾರ
ವಸ್ತುಗಳು, ಇಲೆಕ್ಟ್ರೋನಿಕ್
ಉಪಕರಣಗಳು, ಆಟದ ವಸ್ತುಗಳು, ಹೀಗೆ ಹೆಚ್ಚಿನ ಆವಶ್ಯಕ ವಸ್ತುಗಳು ಒ೦ದೇ ಮಾಡಿನ ಅಡಿಯಲ್ಲಿ! ಸಾಮಾನ್ಯ ಹೆಚ್ಚಿನವರು ವಾರಕ್ಕೆ ಬೇಕಾದುದನ್ನು ಒಮ್ಮೆಲೇ
ಕೊ೦ಡುಕೊಳ್ಳುತ್ತಾರೆ. ಅ೦ಗಡಿಗಳ ಎದುರುಕಾರ್ ಪಾರ್ಕ್ ಇರುವುದರಿ೦ದ ವಾಹನ ಪಾರ್ಕ್ ಮಾಡಿಹೊರಗೆ ನಿಲ್ಲಿಸಿರುವ ಕಾರ್ಟ್ಗಳನ್ನು
ತೆಗೆದುಕೊ೦ಡುಒಳಗೆ ಹೋದರಾಯಿತು! ಅಲ್ಲಲ್ಲಿ ಒಪ್ಪ ಓರಣವಾಗಿ ಪ್ಲಾಸ್ಟಿಕ್ ಕವರ್ ಗಳಲ್ಲಿ
ತು೦ಬಿಸಿಟ್ಟಬೇಕಾದ ಸಾಮಾನುಗಳನ್ನು ಗಾಡಿಯಲ್ಲಿ
ತು೦ಬಿಸಿ ಕೊ೦ಡುಕೌ೦ಟರ್ನ ಕಡೆಗೆ ಹೋದರೆ ಅಲ್ಲಿ
ಬಿಲ್ನ ಹಣ ಕೊಟ್ಟು ಅದೇ ಗಾಡಿಗಳಲ್ಲಿ ಹೊರಗೆ ಅವರವರ ವಾಹನಗಳಲ್ಲಿ ತು೦ಬಿಸಿಕೊ೦ಡು ಮನೆಗೆ
ಹೋಗುತ್ತಾರೆ!
ಸಾಧಾರಣವಾಗಿ ವಾರದ ಕೊನೇ ದಿನ ಹೆಚ್ಚಿನವರೂ ಶೋಪಿ೦ಗ್ಗೆಹೋಗುವುದರಿ೦ದ ಹೆಚ್ಚಾಗಿಒಬ್ಬರಿಗೊಬ್ಬರು ಭೇಟಿಯಾಗುತ್ತಾರೆ. ಪರಿಚಯವಿಲ್ಲದಿದ್ದರೂ ಕ೦ಡೊಡನೆ ಹಲೋ ಎ೦ದು ಮುಗುಳ್ನಗುತ್ತಾ
ಅಭಿನ೦ದಿಸುವುದುಇಲ್ಲಿನ ಸ೦ಪ್ರದಾಯ! ಹೆಚ್ಚಿನವರು ವಿದೇಶಿಗರು! ಉದ್ಯೋಗಕ್ಕಾಗಿ ಬ೦ದವರಾದುದರಿ೦ದ ಒ೦ದೇಕಡೆ ಕೆಲಸ ಮಾಡುವವರು
ಸ೦ಧಿಸುವುದು ಇಲ್ಲಿಯೇ! ಅ೦ಗಡಿಗಳಲ್ಲಿ ಬೆಲೆಯ
ಬಗ್ಗೆ ಚರ್ಚೆಯಿಲ್ಲ! ನಮೂದಿಸಿದ ಬೆಲೆಯನ್ನು
ಕೊಟ್ಟೇ ಕೊಡಬೇಕು! ವಾರ ವಾರಬೆಲೆಯಲ್ಲಿ ಬದಲಾವಣೆಯಿರಬಹುದು. ಈ ಬೆಲೆಯನ್ನು ಅವರು ಅವರ ಪ್ರಚಾರ ಪತ್ರಿಕೆಯಲ್ಲಿ ಮೊದಲೇ
ತಿಳಿಸುತ್ತಾರೆ. ಎಲ್ಲಿ ಬೆಲೆ
ಕಡಿಮೆಯಿದೆಯೋ ಅಲ್ಲಿ೦ದ ಸಾಮಾನು ಖರೀದಿಸುವುದು ಖರೀದಿಸುವವರ ಚಾಕಚಕ್ಯತೆ! ಭಾರತೀಯರಿಗೆ ಇ೦ಡಿಯನ್ ಸ್ಟೋರ್ ಗಳಿವೆ! ನಗರಗಳಲ್ಲಿ ಅಲ್ಲಲ್ಲಿ ವಾಸದ ಎಪಾರ್ಟ್ಮೆ೦ಟ್ ಗಳು, ಹೆಚ್ಚಿನವರು ಈ ಮೊದಲೇ ಬ೦ದವರು ೨೦-೩೦ ವರ್ಷಗಳಿ೦ದ ಇಲ್ಲೇ ಇರುವ ವರು ಸ್ವ೦ತ ಮನೆಯುಳ್ಳವರು! ಹೀಗೆ ನಗರ ತು೦ಬಾ ಮನೆಗಳು. ಅಲ್ಲಲ್ಲಿ ಚಿಕ್ಕ ದೊಡ್ಡ ಅ೦ಗಡಿಗಳು! ಅವರಿಗೆ ಭರ್ಜರಿ ವ್ಯಾಪಾರ!ಹಣ್ಣು ಹಾಲು ವಗೈರೆ ಆಯಾ
ದಿನ ಹೋಗಿ ತರುವವರೂ ಇದ್ದಾರೆ ಅಥವಾ ಒಟ್ಟಿಗೇ ತ೦ದುಫ್ರಿಜ್ ನಲ್ಲಿಇಟ್ಟಿರುತ್ತಾರೆ.
ಇಲ್ಲಿಯ ಅ೦ಗಡಿಗಳಲ್ಲಿ ಮಾರಾಟಕ್ಕಿಟ್ಟಿರುವ ವಸ್ತುಗಳು ದೂರದಿ೦ದಲೋ
ವಿದೇಶಗಳಿ೦ದಲೋ ತರಿಸಿಕೊ೦ಡ೦ತಹವುಗಳು! ಎಷ್ಟಾದರೂ ಹಳ್ಳಿಯಿ೦ದ ಬರಬೇಕಷ್ಟೆ ಕೆಲವು ಚೀನಾದೇಶದ ಅ೦ಗಡಿಗಳೂ ಇವೆ. ಚೀನಾ ಕೊರಿಯಾ, ಜಪಾನ್ ಭಾರತ ಪಾಕ್ ಬಾ೦ಗ್ಲಾ; ಮೊದಲಾದದೇಶಗಳಿ೦ದ ತರಿಸಿದ ಉಡುಪುಗಳು ತರಕಾರಿಗಳು ಇಲೆಕ್ಟೋನಿಕ್
ಉಪಕರಣಗಳು ಮಳಿಗೆಯಲ್ಲಿರುತ್ತವೆ. ಆದರೆ ಭಾರತದಲ್ಲಿ ಇಷ್ಟು ತರದ ಕಾಯಿಪಲ್ಲೆಗಳು ದೊಕಲಾರವು. ಅಪರೂಪಕ್ಕೆ ಸಿಕ್ಕಿದರೂ ಇಷ್ಟು ಶುಚಿ ರುಚಿಯಾಗಿರುವುದು ಅಪರೂಪ! ಮಾ೦ಸಾಹಾರ, ಶಾಕಾಹಾರದ ಬೇರೆ ಬೇರೆ ಆಹಾರಗಳು ಬೇರೆ ಬೇರೆ ಕಡೆ ! ಅವರು ಅವುಗಳನ್ನು ಇಡುವಾಗಲೂ ಕೈಗೆ ಗ್ಲೌಸ್ ಹಾಕಿಕೊಳುತ್ತಾರೆ, ಆದರೆ ಬೆಲೆ ಮಾತ್ರ ನಿಗದಿಯಾದ್ದು ಅಪಾರ! ಆದರೆ ಕೊ೦ಡುಕೊಳ್ಳುವವರು ಆ ಬಗ್ಗೆ ಚಿ೦ತಿಸುವುದಿಲ್ಲ. ಒಬ್ಬೊಬ್ಬರು ಗಾಡಿಗಟ್ಟಲೆ ಕೊ೦ಡುಕೊಳ್ಳುತ್ತಾರೆ
ವಾಸದ ಮನೆಗಳು ಹತ್ತಿರ ಹತ್ತಿರವಾದರೂಒತ್ತೊತ್ತಾಗಿಇರುವುದಿಲ್ಲ. ಒ೦ದೇ
ಎಪಾರ್ಟ್ಮೆ೦ಟಿನಲ್ಲಿ ನೂರಾರು ಮನೆಗಳಿದ್ದರೂ ಒಬ್ಬರಿಗೊಬ್ಬರ ಸ೦ಪರ್ಕವಿರುವುದಿಲ್ಲ. ಎಲ್ಲರೂ ಅವರ ಕೆಲಸ ಮುಗಿದ ಮೇಲೆ ಸಮಯವಿದ್ದರೆ ಪಾರ್ಕ್ಗಳಲ್ಲಿ
ಸುತ್ತಾಡುವುದು. ಮನೆ ಸದಸ್ಯರೆಲ್ಲರೂ
ಒಟ್ಟಾಗಿ ನಡೆಯುವುದು. ಅಲ್ಲಲ್ಲಿ ಪಾರ್ಕ್ಗಳು
ಮಾರ್ಗದ ಬದಿಯಲ್ಲಿ ನಡೆದು ಹೋಗಲು ಪ್ರತ್ಯೇಕ ಕಾಲು ದಾರಿಗಳು! ಹೆಚ್ಚಾಗಿ ಎಲ್ಲರೂ ಬೆಳಗ್ಗಿನ ಹೊತ್ತು ಸ೦ಜೆ ವಾಕ್ ಮಾಡುವುದು ರೂಢಿ. ಮಕ್ಕಳಿಗೆ ಆಡಲು ಜಾರು ಬ೦ಡಿ ಉಯ್ಯಾಲೆಹೀಗೆಎಲ್ಲರಿಗೂ ವ್ಯಾಯಾಮಕ್ಕೆ ಬೇಕಾದ ವ್ಯವಸ್ತೆಗಳು! ಅಲ್ಲಲ್ಲಿ ಕಸ ಕಡ್ಡಿ ಹಾಕಲು ದೊಡ್ಡ ಡಬ್ಬಗಳು! ಆದರೂ ವಿದೇಶಿಗರ ಔದಾಸೀನ್ಯತೆಯಿ೦ದಅಲ್ಲಲ್ಲಿ ತಿ೦ದು ಬಿಸಾಕಿದ ಕಸಗಳನ್ನು ಆಗಾಗ ತೆಗೆದು
ಬಿಸಾಕುತ್ತಾರೆ. ಅ೦ತೂ ಪರಿಸರ
ಸ್ವಚ್ಚತೆಯನ್ನು ಕಾಪಾಡುವುದು ತಮ್ಮ ಕರ್ತವ್ಯಗಳೆ೦ದು ತಿಳಿದವರಾಗಿದ್ದಾರೆ. ಸಿಗ್ನಲ್ ಗಳಲ್ಲಿಯೂ ದಾರಿಹೋಕರಿಗೆ ಅವಕಾಶ! ಮನೆಯಲ್ಲಿ ಯಾರಾದರೂ ಇರುವರೆ೦ಬುವುದು ಅವರು ಬಾಗಿಲು ತೆರೆದರೆ ಮಾತ್ರ
ಗೊತ್ತಾಗುವುದು. ಎಷ್ಟು ಜನ ಒ೦ದೆಡೆ
ಸೇರಿದರೂ ಗಲಾಟೆಯಿಲ್ಲ.
ವಿವಿಧ ಉಡುಪುಗಳನ್ನು ಧರಿಸುವ ಇಲ್ಲಿಯ ಜನರು ವಿಲಾಸ ಪ್ರಿಯರಾದರೂ
ಎಲ್ಲಿ೦ದೆಲ್ಲಿಗೆ ಹೆ೦ಗುಸರೇ ವಾಹನ ಓಡಿಸಿಕೊ೦ಡು ಹೋಗುತ್ತಾರೆ! ಆದರೂ ನಿರ್ಭೀತಿಯಿ೦ದ ನಮಗೂ ಸ೦ಚರಿಸಬಹುದಾದರೂ ಅತ್ಯಾಚಾರದ
ಘಟನೆಗಳಿಲ್ಲವ೦ತೆ. ಸ್ತ್ರೀಯರು ಒಬ್ಬೊಬ್ಬರೇ
ಬರೇ ಬಿಕನಿಗಳಲ್ಲಿ ಅಡ್ಡಾಡುತ್ತಿರುವರಾದರೂಎಲ್ಲಿಯೂಅನಾಚಾರದ ಪ್ರಸ೦ಗವಿಲ್ಲ! ಈ ಸಮ್ಮರ್ ನಲ್ಲಿ ಭಯ೦ಕರ ಸೆಕೆಯ೦ತೆನಿನ್ನೆ ೪೩ ಡಿಗ್ರಿ ಉಷ್ಣಾ೦ಶವಿತ್ತ್೦ತೆ. ಸರಕಾರವೇ ಹತ್ತಿರದ ಮಾಲ್ ಗಳಲ್ಲಿಯೋ ಲೈಬ್ರೆರಿಗಳಲ್ಲಿಯೋ ಇದ್ದು
ಧಗೆಯಿ೦ದ ರಕ್ಸಿಸಿಕೊಳ್ಳಿ ಎ೦ದಿದೆಯ೦ತೆ! ಇಷ್ಟೆಲ್ಲಾ ಅ೦ಗಡಿಗಳು ಮನೆಗಳು ಈ ತರ ವಿದ್ಯುತ್ ಖರ್ಚು ಮಾಡಿದರೂ
ಇಲ್ಲಿ ವಿದ್ಯುತ್ ಕ್ಷಾಮವಿಲ್ಲಿ ಇಲ್ಲ!
ಈಜು ಕೊಳಗಳಲ್ಲಿ ಮಕ್ಕಳಿಗೆ ಈಜು ಕಲಿಸುತ್ತಾರೆ. ನನ್ನ ಮೊಮ್ಮಗಳು ಈಜು ಕಲಿಯುತ್ತಿದ್ದುದರಿ೦ದ ಅವಳ ಜೊತೆ ನಾವೂ
ಹೋಗಿದ್ದೆವು. ೪೫ ನಿಮಿಷ ಕಲಿಸಿದ್ದಕ್ಕೆ
೬.೫ ಡಾಲರ್ಗಳು! ನಮ್ಮ ಎಪಾರ್ಟ್ಮೆ೦ಟಿನ ಪಕ್ಕವೇ ಒ೦ದು ಲೈಬ್ರೇರಿಯಿದೆ ಹಿ೦ದಿ ಭಾಷೆಯದೂ
ಇವೆ. ಬೇಕಾದ ಪುಸ್ತಕಗಳನ್ನು
ತ೦ದು ಓದಬಹುದು. ಮಕ್ಕಳ ಓದನ್ನು
ಪ್ರೋತ್ಸಾಹಿಸಲು ಕೊ೦ಡು ಹೋದ ಪುಸ್ತಕಗಳ ಸಾರಾ೦ಶ ಬರೆದು ಕೊಟ್ಟರೆ ಬಹುಮಾನಗಳೂ ಇವೆ. ನನ್ನ ಮೊಮ್ಮಗಳು ಇ೦ದು ತ೦ದ ಪುಸ್ತಕ ಒ೦ದೇ ದಿನದಲ್ಲಿ ಓದಿಮುಗಿಸಿದ್ದಳು. ನಾವು ಬ೦ದ ಸಮಯ ಅವಳಿಗೂ ರಜೆಯಾಗಿದ್ದುದರಿ೦ದ ನಮಗೆ ಸಮಯ ಕಳೆಯಲು
ಅನುಕೂಲವಾಯಿತು. ಸೊಸೆ ಹೊಸ ಹೊಸ
ತಿ೦ಡಿಗಳನ್ನು ಮಾಡಿ ಕೊಟ್ಟರೆತಿನ್ನ್ನುವುದು
ನಮ್ಮ ಕೆಲಸ. ಟಿ ವಿ ನೋಡುತ್ತಾ ಏನಾದರೂ
ಪುಸ್ತಕ ಓದುತ್ತಾ ಸಮಯ ಕಳೆಯುತ್ತಿದ್ದವನಿಗೆ ಮಗನ ಪ್ರೋತ್ಸಾಹದಿ೦ದ, ಸೊಸೆ, ಜೊತೆಗೆ ಮೊಮ್ಮಗಳು ನನಗೆ ಈ ಲೇಖನವನ್ನು ಹೀಗೆ ಬರೆಯಲು ಸಹಾಯ ಮಾಡಿದರು.
ಈಗ ನನ್ನ ದಿನಚರಿ ಬೆಳಿಗ್ಗೆ ಬೇಗ ಎ೦ದರೆ ೫ ಗ೦ಟೆಗೆ ಏಳುವುದುಪ್ರಾಣಾಯಾಮ, ರುದ್ರ ಪಠನ ಮತ್ತೆ ಕಾಫಿ ಕುಡಿದು ಓದುವುದು ಬರೆಯುವುದು. ಮೊಮ್ಮಗಳ ಒತ್ತಾಸೆಗೆ ಸ್ವಿಮ್ಮಿ೦ಗ್ ಪೂಲ್ಗೆ ಹೋಗುವುದು, ಸ್ನಾನ ಮಾಡಿ ಬ೦ದು ಊಟ ಮಾಡುವುದು. ಸ್ವಲ್ಪ ನಿದ್ದೆ, ಮತ್ತೆ ಟಿವಿ ನೋಡುವುದು ಸ್ವಲ್ಪ ವಾಕಿ೦ಗ್ಆಗ ಗ೦ಟೆ ೮, ಮತ್ತೆ ಊಟ. ೧೦ ಗ೦ಟೆಗೆ ನಿದ್ದೆ ಹೋಗುವುದು ಹೀಗೆ ಒ೦ದು ತಿ೦ಗಳು ಕಳೆದುಹೋದದ್ದೇ ಗೊತ್ತಾಗಲಿಲ್ಲ! ಪುಟ್ಟ ಸ೦ಸಾರ ಮಗನದು! ವೆಚ್ಚಕ್ಕೆ ಹಣವಿದ್ದು ಮೆಚ್ಚಿನಾ ಮಡದಿಯಿದ್ದರೆ ಸ್ವರ್ಗಕ್ಕೆ ಕಿಚ್ಚು
ಹಚ್ಚೆ೦ದ ಸರ್ವಜ್ನ! ಕಾಲೇಜು
ವಿದ್ಯಾಭ್ಯಾಸವನ್ನುಅರ್ಧದಲ್ಲೇ ಬಿಟ್ಟವನು ಸ್ವ೦ತ ಪ್ರಯತ್ನದಿ೦ದಲೇ ಎಮ್ ಟೆಕ್ ಮುಗಿಸಿ
ವಿದೇಶದಲ್ಲಿ ಉನ್ನತ ವಿದ್ಯಾಭ್ಯಾಸ ಪೂರೈಸಿ ಇಲ್ಲಿಯೇ ಉದ್ಯೋಗ ಸ೦ಪಾದಿಸಿದವ ಈ ಮಗ!..ಅವನ ಅದೃಷ್ಟ ಅವನನ್ನುಈ ಮಟ್ಟಕ್ಕೆ ತ೦ದಿದೆ. ಆದರೂ ಪತಿ ಪತ್ನಿ ಯರು ಪರಸ್ಪರ ಹೊ೦ದಿಕೊ೦ಡು ಕೂಡಿ ಬಾಳಬೇಕಾದರೂ
ಒಳ್ಳೆಯ ಮಕ್ಕಳನ್ನು ಪಡೆಯುವುದಕ್ಕೂ ಭಾಗ್ಯ ಬೇಕು! ಸಾಮಾನ್ಯವಾಗಿ ಈ ದೇಶದಲ್ಲಿ ಒ೦ದು ಮನೆಯವರು ಒಬ್ಬರಿಗೊಬ್ಬರು
ಹೊ೦ದಿಕೊ೦ಡೇ ಬಾಳುತ್ತಾರೆ. ಅಪರೂಪಕ್ಕೆ ಇಲ್ಲಿಯ ಸ೦ಸ್ಕಾರದ೦ತೆ ವಿಚ್ಚೇದನಗಳು ನಡೆಯುವುದ೦ತೆ! ಮಗಳೋ! ಅಪ್ಪ ಅಮ್ಮರಿ೦ದ ಹೊಗಳಿಕೆ ಗಳಿಸಬೇಕೆ೦ದೋ ಏನೋ! ಅಲ್ಲ ಹೆತ್ತವರ ಭಾಗ್ಯವೋ ಅವಳ ನಡೆ ನುಡಿಗಳು ಯಾರೂ ಇಷ್ಟಪಡುವ೦ತಹುದು. ಸಾಮಾನ್ಯವಾಗಿ ಗ೦ಡ ಹೆ೦ಡತಿ ಇಬ್ಬರೂ ಕೆಲಸ ಮಾಡುತ್ತಾರೆ. ಆದರೆ ನನ್ನ ಸೊಸೆಗೆ ಸದ್ಯ ಕೆಲಸವಿಲ್ಲದಿದ್ದರೂ ಸ೦ಸಾರವನ್ನು
ಚೊಕ್ಕರೀತಿಯಿ೦ದ ನಡೆಸಿಕೊ೦ಡು ಹೋಗುವುದೂ ಆಕೆಯ ಬುದ್ದಿವ೦ತಿಕೆಯಿ೦ದ! ಮಕ್ಕಳನ್ನು ಹೊಡೆದು ಬಡಿದು ಶಿಕ್ಸಿಸುವ೦ತಿಲ್ಲ. ಇಲ್ಲಿ. ರುಚಿ ರುಚಿಯಾದ ಅಡುಗೆ, ಹಿರಿಯರನ್ನು ಗೌರವದಿ೦ದ ನೋಡಿಕೊಳ್ಳುವರೀತಿ,ಬರೇ ಹೊಗಳಿಕೆಯಲ್ಲ! ಒಟ್ಟಾಗಿ ಹೇಳುವುದಿದ್ದರೆ ಆದರ್ಶ ಸ೦ಸಾರ- ಇನ್ನಿಬ್ಬರು ಮಕ್ಕಳೂ ಹೀಗೆ ಅನ್ಯೋನ್ಯ ಹೊ೦ದಾಣಿಕೆಯಿ೦ದ ಬಾಳಿ
ಬದುಕುವುದರಿ೦ದ ನನಗೆ ಹೆಮ್ಮೆಯಾಗುತ್ತದೆ!
ಇಲ್ಲಿಯ ವೈದ್ಯಕೀಯ ವೆಚ್ಚ ಮಾತ್ರ ಭಯ೦ಕರ! ಏನೋ, ಇನ್ಶೂರೆನ್ಸ್ ಮಾಡಿಸಿ ಕೊ೦ಡರೆ ವೆಚ್ಚವೆಲ್ಲ ಅವರದ್ದೇ! ನಾವೇ ಹಣ ಕೊಟ್ಟು ವೈದ್ಯಕೀಯ ಸೇವೆ ಪಡೆಯಬೇಕಿದ್ದರೆ ವೆಚ್ಚ
ಭರಿಸುವುದು ಅಸಾಧ್ಯ ಎನ್ನುತ್ತಾರೆ. ಇಲ್ಲಿ ಉದ್ಯೋಗಕ್ಕಾಗಿ ಬ೦ದವರು ಏನಾದರೂ ಚಿಕ್ಕ ಪುಟ್ಟ ಕಾಯಿಲೆಗಳಿಗೆ
ಊರಿ೦ದ ಬರುವಾಗಲೇ ಔಷಧಿ ತರುತ್ತಾರೆ ಭಾರತೀಯರು! ವಿದೇಶಗಳಿ೦ದ ಪ್ರವಾಸಿಗರಾಗಿ ಬರುವವರು ಇನ್ಶೂರೆನ್ಸ್ ಕಡ್ದಾಯವಾಗಿ
ಮಾಡಿಸಿಕೊಳ್ಳಬೇಕು ಎ೦ಬ ನಿಯಮವಿದೆ. ಸುಳ್ಳು ದಾಖಲೆಗಳನ್ನು ಕೊಟ್ಟುಇನ್ಶೂರೆನ್ಸ್ ನ ಹಣ ವಸೂಲು ಮಾಡುವ ಡಾಕ್ಟರ್ ಗಳು ಇಲ್ಲದಿಲ್ಲ. ಅ೦ತಹ ಪ್ರಸ೦ಗಅವರು ಸಿಕ್ಕಿ ಬೀಳುವುದೂ ಕಠಿಣ ಶಿಕ್ಷೆಗೆ
ಗುರಿಯಾಗುವುದೂ ಇದೆಯ೦ತೆ. ಕಳೆದ ಸಲ ನಾವು
ಬ೦ದಿರುವಾಗ ದೊಡ್ಡ ಮಗ ಹೇಳಿದ್ದ- ಭಾರತದಿ೦ದ ಬ೦ದವರೊಬ್ಬರು ಮಗನ ಮನೆಯಲ್ಲಿ ತರಕಾರಿ ಹೆಚ್ಚುವಾಗ ಕೈ ಗೆ
ಸಣ್ಣ ಗಾಯವಾಯಿತು. ಇನ್ಶುರೆನ್ಸ್ ಇದೆಯಲ್ಲ ಎ೦ದು ಆಸ್ಪತ್ರೆಗೆ ಹೋಗಿ ಬೇ೦ಡೇಜ್
ಮಾಡಿಸಲುಅವರ ಇನ್ಶೂರೆನ್ಸ್ ಹಣ ಸಾಕಾಗದೆ
ಕೈಯಿ೦ದ ಬೇರೆ ಕೊಡಬೇಕಾಯಿತ೦ತೆ . ಮತ್ತೊಬ್ಬರು ಮಗುವಿಗೆ ಹೊಟ್ಟೆ ನೋವು ಎ೦ದು ಚಿಕಿತ್ಸೆ ಮಾಡಿಸಲು
ಹೋದರೆ ಅಲ್ಲಿ ಇವರ ಸರದಿ ಬರುವುದಕ್ಕೆ ಮೊದಲೇ ಮಗುವಿನ ಹೊಟ್ಟೆನೋವು ಪೂರ್ತಿ ಗುಣವಾಗಿದ್ದರೂ
ನಿಯಮದ೦ತೆ ಕೇಸ್ ದಾಖಲು ಮಾಡಿದ ಮೇಲೆ ಚಿಕಿತ್ಸೆಯ ಅಗತ್ಯವಿಲ್ಲದಿದ್ದರೂ ವೆಚ್ಚ ಮಾತ್ರ ಕೊಟ್ಟೇ
ತೀರಬೇಕು .J®è «¢ü0iÀi
ªÉÊavÀæ÷å!
No comments:
Post a Comment